223 filma, nëntë ditë, kinema nëpër qytet dhe katër net në Andrra Stage. Kjo guidë ta kthen programin e madh në një plan që mundesh me e përdor.
Filmi është zemra e festivalit. Por për nëntë ditë DokuFest e përdor krejt Prizrenin si kinema, skenë, klasë, vend debati dhe pikë takimi.
HAPE SHPJEGIMINMBYLLE SHPJEGIMIN+DokuFest u themelua më 2002 me idenë që kinemaja të kthehej në qytet. Prej asaj nisme lokale është rritur në festivalin më të madh të filmit në Kosovë dhe në një pikë të njohur të dokumentarit e filmit të shkurtër në Evropën Juglindore.
LEXO HISTORINË ZYRTARE↗Dokumentarët ndjekin njerëz, vende dhe çështje reale. Mund të jenë personalë, politikë, të dhimbshëm, qesharakë ose krejt të papritur.
Filmat e shkurtër janë vepra të përfunduara, jo trailera. Shpesh shfaqen në blloqe, prandaj me një biletë zbulon disa tregime dhe stile.
Programi përfshin edhe filma artistikë e eksperimentalë, DokuKids, përvoja immersive, ekspozita, debate, masterclass dhe takime me autorë.
DokuNights është krahu muzikor i festivalit. Mund të shkosh vetëm në film, vetëm në një natë muzikore ose t'i lidhësh të dyja në të njëjtën ditë.
Shkon për një tregim që nuk e gjen zakonisht në kinema, e dëgjon autorin, takon njerëz dhe e përjeton Prizrenin ndryshe. Nuk ke nevojë ta kuptosh krejt programin dhe as t'i shikosh shumë filma.
Nëntë ditë në lokacione të ndryshme të Prizrenit.
8 gara dhe 13 programe speciale në faqen zyrtare.
↗DokuPass i publikuar nga festivali.
↗12-15 gusht, kryesisht në Andrra Stage.
↗Zgjedhe ritmin para titullit. Pastaj kalo te orari dhe kontrollo kohën, kinemanë dhe biletën.
Zgjedhe një film të gjatë dhe një bllok të shkurtër. Lëre së paku një orë për ushqim dhe kalim në kinemanë tjetër.
Nis me film, vazhdo me një bisedë te Lorenc Antoni dhe mbylle me DokuKino Plato ose Kino Lumi.
Ruaje energjinë gjatë ditës, shiko një film nate dhe nisju Andrra Stage me kohë. Mos i vendos dy shfaqje që përfundojnë ngushtë.
Filmat DokuKids janë falas për 6-14 vjeç. Punëtoritë kanë pasur aplikim dhe pagesë veçmas, prandaj kontrollo statusin para se të shkosh.
Garat janë rruga më e shpejtë për filma të rinj. Programet speciale janë më të mira kur e di çfarë disponimi kërkon.
Në faqen e çdo filmi kontrollo gjuhën, titrat, minutazhin, kinemanë dhe shfaqjet alternative. Mos e ndërto planin vetëm nga titulli.
SHFLETO KREJT 223 FILMAT↗Këto janë pika të forta për orientim, jo ripublikim i krejt 223 filmave. Brenda çdo dite ka alternativa paralele.
DokuKino dhe Plato janë pranë njëra-tjetrës. Kino Abi Çarshia është më larg. Andrra Stage është në Marash. Preke cilëndo kartë për hartën zyrtare.
50 metra nga qendra e Prizrenit.
HAPE NË HARTË↗Rreth 20 hapa mbi DokuKino, me pamje mbi qytet.
HAPE NË HARTË↗Hapja dhe mbyllja zhvillohen këtu bashkë me shfaqje nate.
HAPE NË HARTË↗Rreth 20 minuta në këmbë nga Shadërvani, sipas DokuFest.
HAPE NË HARTË↗Dy salla filmi dhe zyrat e mikpritjes së festivalit afër.
HAPE NË HARTË↗Filma dhe biseda në një hapësirë më të vogël.
HAPE NË HARTË↗Short Film Forum, biseda dhe masterclass-e në rrugën për Kala.
HAPE NË HARTË↗Filmat dhe punëtoritë për fëmijë nga 8 deri më 13 gusht.
HAPE NË HARTË↗Skena në Marash. Shko në këmbë ose me taxi dhe ndiq sinjalistikën.
HAPE NË HARTË↗DokuFest ka publikuar dy pass-e nga 25 €. Çmimi individual nuk është njësoj për krejt programin, prandaj kontrolloje para pagesës.
I përshtatshëm nëse planifikon të paktën disa ditë me filma. Kontrollo rregullat dhe disponueshmërinë në checkout.
SHIKO FILM PASS↗Për katër netët muzikore. Orari dhe artistët kontrollohen veçmas te DokuNights.
SHIKO NIGHT PASS↗Faqet e filmave dhe eventeve hapin rrugën e biletës. Kontrollo çmimin dhe vendet e lira para se të bësh planin final.
HAPE ORARIN↗Programi është për fëmijë 6-14 vjeç te SHFMU Lidhja e Prizrenit. Shfaqjet zhvillohen çdo ditë nga 10:00 deri në 12:00.
Mund të shkosh për shfaqjet pa biletë. Kontrollo programin e ditës dhe moshën e rekomanduar të secilit bllok.
PROGRAMI DOKUKIDS↗Afati zyrtar ishte 27 korrik. Mos supozo se ka vende të lira; kontakto ekipin vetëm për statusin aktual.
LEXO DETAJET↗Për herë të parë, DokuFest sjell një program VR mbi kujtesën, familjen, klimën dhe pasojat e luftës.
SHIKO PROGRAMIN VR↗Zgjedhjet më poshtë vijnë nga guida zyrtare e DokuFest. Përdori sipas kohës që ke, jo si checklist.
Burek për mëngjes, diçka e shpejtë mes shfaqjeve ose një vakt pranë qendrës.
Për ushqim tradicional, tavolinë të përbashkët ose opsione që përshtaten me kufizime ushqimore.
Pushim i shkurtër, takim me shoqëri ose ndalesë para DokuNights.
Ura e Gurit për një kalim të shpejtë, Lidhja për histori, Kalaja kur ke kohë dhe këpucë të mira.
Planifiko distancën mes venue-ve, jo vetëm kohën e filmit. Festivalet vonohen kur vizitori mendon se çdo kinema është në të njëjtin shesh.
DokuFest rekomandon arritjen përmes aeroporteve të Prishtinës, Shkupit ose Tiranës, pastaj autobus ose taxi për Prizren.
SI TË ARRISH↗Nisu nga Stacioni i Autobusëve në Prishtinë. Gjirafa Travel tregon rreth 5 € mesatarisht dhe afro 1 orë e 46 minuta udhëtim; zgjidh datën për orarin real dhe kontrollo kthimin para nisjes, sepse çmimi, kohëzgjatja dhe vendet ndryshojnë sipas operatorit.
GJEJ AUTOBUSIN↗Ec për venue-t qendrore. Llogarit rreth 20 minuta nga Shadërvani për Kino Abi Çarshia. Për Andrra Stage nisju më herët ose merr taxi.
Për operatorët dhe kontaktet e publikuara nga festivali, përdor vetëm listën zyrtare të DokuFest.
LISTA ZYRTARE↗Programi është i dendur. Këto nuk janë dekor, janë hapësira që e bëjnë të realizueshëm.
Mos i lidhe dy filma pa kohë për dalje, ecje, radhë dhe ujë. Sidomos kur venue-t ndryshojnë.
Gjuha dhe titrat ndryshojnë sipas filmit. Lexo faqen e filmit para blerjes, jo pasi të ulesh.
Hapi venue-t para se të humbësh sinjalin ose baterinë. Screenshot-i i hartës dhe orarit është plan rezervë i mirë.
Prizreni në gusht mund të jetë i nxehtë. Mbaj ujë dhe mos e vendos ecjen për Kala mes dy orareve të ngushta.
Bileta, harta dhe programi janë në telefon. Power bank-u është më i vlefshëm se një foto tjetër me 2% bateri.
Orari i festivalit mund të ndryshojë. Kontrollo faqen zyrtare në mëngjes dhe para eventit të natës.
Këto performanca kanë orë dhe burime zyrtare të ndara në Kapodalim.
KOLEKTIV · Prizren
Andrra Stage · Prizren
Andrra Stage · Prizren
DOKUKINO PLATO · Prizren
Andrra Stage · Prizren
Andrra Stage · Prizren
PARA SE TË VAZHDOSHKapodalim nuk është organizator i DokuFest dhe nuk shet bileta. Për çmim, vende të lira, ndryshime dhe rregulla të hyrjes, përdor vetëm faqen zyrtare.
Ruaje guidën, hape programin në mëngjes dhe mos e mbush çdo minutë. DokuFest funksionon edhe në rrugën mes dy kinemave.
Lëre emailin. Kur t’i nisim njoftimet, eventet që ia vlejnë të vijnë direkt te ti. Pa spam.