Privatësia jote ka rëndësi.

Parimet tona

Nuk kërkojmë llogari për ta përdorur guidën, nuk shesim ose japim me qira të dhëna personale dhe nuk përdorim informacionin e formularëve për reklama të padëshiruara.

Për qëllimet e kësaj politike, kontrolluesi i të dhënave është shërbimi Çka S'Ka? në kapodalim.com.

Çka mund të përpunohet

• Shfletimi bazë: shërbimi ku mbahet faqja dhe sistemet e sigurisë mund të përpunojnë adresën IP, llojin e pajisjes, kohën e kërkesës dhe shënime teknike për ta ofruar dhe mbrojtur faqen.
• Formularët: emri, emaili dhe mesazhi vetëm nëse zgjedh t'i japësh. Për një event mund të dërgosh edhe titullin, datën, qytetin dhe burimin.
• Analitika opsionale: të dhëna të përdorimit aktivizohen vetëm pasi të zgjedhësh “Po more :)”.
• Radioja: lidhja me YouTube aktivizohet vetëm pasi të shtypësh butonin e luajtjes.

Google Analytics dhe të dhënat e shfletimit

Google Analytics nuk ngarkohet pa pëlqimin tënd. Nëse e lejon, mund të ruajë skedarë të vegjël në shfletues dhe të marrë informacione teknike si faqet e vizituara, pajisja, shfletuesi dhe vendndodhja e përafërt. Ne nuk dërgojmë qëllimisht emër, adresë elektronike ose përmbajtje formulari në këtë shërbim.

Mund ta refuzosh pa humbur asnjë funksion të faqes dhe mund ta ndryshosh zgjedhjen nga lidhja “Zgjedhjet e privatësisë” në fund të faqes.

Propozimet dhe bashkëpunimet

Formularët përpunohen përmes Web3Forms. Çka S'Ka? vendos pse përdoren të dhënat, ndërsa Web3Forms vepron si përpunues teknik. Sipas politikës së tyre, dërgesat mund të ruhen deri në tre vjet, ose të fshihen më herët.

Ne i përdorim dërgesat vetëm për ta verifikuar eventin, për t'u përgjigjur, për të korrigjuar një listim ose për të shqyrtuar një bashkëpunim. Të dhënat e kontaktit nuk publikohen në event.

Shërbimet dhe linket e jashtme

Faqja mund të lidhet me Google Calendar, YouTube, Instagram, faqe organizatorësh, hapësira, kinema dhe platforma biletash. Kur hap ose përdor një shërbim të jashtëm, vlejnë politikat e atij shërbimi. Ne nuk kontrollojmë pagesat, llogaritë ose të dhënat që ruajnë ato shërbime.

Të dhënat e tua, zgjedhja jote.

Nëse na ke dërguar të dhëna përmes formularit, mund të kërkosh me i pa, korrigju ose fshi. Te formulari zgjidh “Korrigjim / ndryshim” dhe na trego shkurt çka të duhet.