Parimet tona
Nuk kërkojmë llogari për ta përdorur guidën, nuk shesim ose japim me qira të dhëna personale dhe nuk përdorim informacionin e formularëve për reklama të padëshiruara.
Për qëllimet e kësaj politike, kontrolluesi i të dhënave është shërbimi Çka S'Ka? në kapodalim.com.
Çka mund të përpunohet
Për dhuratat nga Hyperactive ruajmë emrin, mbiemrin, emailin, kodin e dhuratës dhe datat e fitimit e skadimit. Kufiri prej 14 ditësh zbatohet veçmas për Hyperactive. Nuk ka kufizime moshe ose konfirmim moshe. Konfirmimi dërgohet te fituesi; njoftimi i ekipit kopjon vetëm Hyperactive për dorëzimin e dhuratës së vet.
Për dhuratat nga Che Bar ruajmë emrin, mbiemrin, emailin, kodin, datat e fitimit dhe skadimit, dhe konfirmimin që je 18+. Nuk ruajmë datëlindje ose dokument identifikimi. Che Bar verifikon moshën gjatë marrjes. Njoftimi i ekipit kopjon vetëm Che Bar për dhuratën e vet, me këto detaje të fituesit. Kufiri një dhuratë për person çdo 14 ditë kontrollon emailin ose emrin e plotë veçmas për secilin partner. Fitimi nga Cineplexx nuk pengon fitimin nga Che Bar.
- Shfletimi bazë: shërbimi ku mbahet faqja dhe sistemet e sigurisë mund të përpunojnë adresën IP, llojin e pajisjes, kohën e kërkesës dhe shënime teknike për ta ofruar dhe mbrojtur faqen.
- Rezervimet e tureve: në checkout-in e Stripe jep emrin, emailin, telefonin, numrin e personave, datën dhe orën e turit. Stripe përpunon pagesën; të dhënat e rezervimit përdoren për organizimin dhe komunikimin për turin. Kapodalim nuk merr të dhënat e plota të kartës dhe rezervimi nuk të regjistron në newsletter. Nëse zgjedh ruajtjen e të dhënave në Stripe, vlejnë zgjedhjet dhe politika e atij shërbimi.
- Formularët: emri, emaili dhe mesazhi vetëm nëse zgjedh t'i japësh. Për një event mund të dërgosh edhe titullin, datën, qytetin dhe burimin.
- Lista e njoftimeve: vetëm adresa elektronike që jep kur zgjedh “Futu në listë”.
- Biletat e fatit: për ta konfirmuar një biletë Cineplexx Kosovo, ruajmë emrin, mbiemrin, emailin, kodin, kohën e fitimit dhe skadimit. Emailin dhe emrin e plotë i krahasojmë me regjistrin e fituesve për kufirin një biletë për person çdo 14 ditë nga fitimi i fundit i konfirmuar. Përputhja e cilësdo prej tyre e ndalon një biletë tjetër gjatë këtij afati, pa anuluar biletat e lëshuara. Dërgojmë konfirmim te fituesi dhe njoftim te ekipi ynë, me Cineplexx Kosovo në CC. Partneri merr emrin, mbiemrin, emailin, kodin, kohën e fitimit dhe skadimit për dorëzimin e biletës. Newsletter-i javor është opsional: të regjistrojmë vetëm nëse e zgjedh kutinë përkatëse. Ruajmë kohën dhe tekstin e pëlqimit; mund të çregjistrohesh kurdo. Hapjet identifikohen me një kod anonim të shfletuesit.
- Meetup-et e Sunny Hill: emri që zgjedh shfaqet publikisht me ditën dhe orarin. Emaili ruhet privatisht për konfirmim dhe njoftim të ekipit. Në newsletter futesh vetëm nëse e zgjedh checkbox-in e veçantë.
- Analitika: tag-u nis pa cookies dhe me ruajtjen e të dhënave të çaktivizuar. Analitika e plotë aktivizohet vetëm pasi të zgjedhësh “Po more :)”.
- Radioja: lidhja me YouTube aktivizohet vetëm pasi të shtypësh butonin e luajtjes.
Google Analytics dhe të dhënat e shfletimit
Google tag nis me lejet të vendosura në “jo” dhe pa ruajtur cookies analitike. Në këtë gjendje mund të dërgojë vetëm sinjale teknike pa cookies. Nëse zgjedh “Po more :)”, Google Analytics mund të ruajë skedarë të vegjël në shfletues dhe të marrë informacione teknike si faqet e vizituara, pajisja, shfletuesi dhe vendndodhja e përafërt. Ne nuk dërgojmë qëllimisht emër, adresë elektronike ose përmbajtje formulari në këtë shërbim.
Mund ta refuzosh pa humbur asnjë funksion të faqes dhe mund ta ndryshosh zgjedhjen nga lidhja “Zgjedhjet e privatësisë” në fund të faqes.
Si i përdor Google të dhënat nga faqet partnere ↗︎Muri i fjalëve të mira
Emri, komentet dhe përgjigjet e publikuara, dhe numri i reagimeve shfaqen publikisht. Komentet me sharje ose fyerje të qarta bllokohen dhe ruhen vetëm privatisht në admin, bashkë me emailin dhe arsyen e moderimit, për shqyrtim nga ekipi. Për komentet dhe përgjigjet e reja kërkojmë email. E ruajmë privatisht në databazë dhe admin, dhe e përfshijmë në njoftimin e brendshëm të ekipit për ta menaxhuar kontributin tënd. Kjo nuk të abonon në newsletter. Një cookie e nevojshme në shfletues kujton reagimet e tua që ta aktivizosh ose heqësh secilën emoji veçmas. Mund të kërkosh korrigjim ose fshirje përmes formularit të kontaktit.
Emaili yt, vetëm për njoftimet që kërkon.
Kur futesh në listë, emailin e përdorim vetëm për të të dërguar njoftimet e eventeve që ke kërkuar. Nuk e shesim, nuk e japim për reklama dhe nuk e përdorim për diçka tjetër.
Kur e shton emrin te meetup-i i Sunny Hill, të dërgojmë konfirmim shërbimi për ditën dhe orarin e zgjedhur. Emaili nuk shfaqet publikisht. Abonimi në newsletter është opsional dhe ndahet qartë nga regjistrimi për meetup.
Ti vendos: mund të qëndrosh në listë, ta ndryshosh zgjedhjen ose të largohesh kurdo. Nuk të duhet llogari.
Menaxho ose ndal njoftimet →︎Shërbimet dhe linket e jashtme
Faqja mund të lidhet me Google Calendar, YouTube, Instagram, faqe organizatorësh, hapësira, kinema dhe platforma biletash. Kur hap ose përdor një shërbim të jashtëm, vlejnë politikat e atij shërbimi. Ne nuk kontrollojmë pagesat, llogaritë ose të dhënat që ruajnë ato shërbime.
Aplikacioni Ka' Po Dalim?
Pjesëmarrja në evente
Zgjedhja Po shkoj është opsionale dhe kërkon llogari të verifikuar dhe konfirmim. Mysafirët shohin vetëm numrin. Përdoruesit e kyçur të Kapodalim mund të shohin emrat, emrat e përdoruesve dhe fotografitë e pjesëmarrësve. Kjo është dëshirë për të marrë pjesë, jo biletë apo konfirmim hyrjeje. Largimi e fshin shënimin tënd; fshirja e llogarisë e largon të gjithë pjesëmarrjen tënde. Shënimet nuk shfaqen 30 ditë pas përfundimit të eventit dhe largohen gjatë mirëmbajtjes së kërkesave. Emaili privat, telefoni, adresa e banimit dhe lidhjet sociale nuk përfshihen. Emrat dhe fotografitë përditësohen kur e përdor pjesëmarrjen sërish si përdorues i kyçur; fotografitë private mbeten pas kontrollit të hyrjes.
Llogaria opsionale në aplikacion
Mund të shfletosh dhe t'i ruash planet në pajisje pa llogari. Nëse krijon llogari, Supabase mundëson hyrjen dhe ruan emailin, identitetet e lidhura, emrin, qytetin dhe shtetin opsional të banimit, telefonin opsional të kontaktit dhe lidhjet opsionale të profileve sociale. Fotografia që zgjedh pritet dhe ruhet privatisht me llogarinë në Supabase Storage; fotografia e Google mund të shfaqet derisa ta zëvendësosh. Apple nuk jep fotografi profili. Telefoni nuk përdoret për hyrje me SMS apo marketing. Emailet e shërbimit janë të ndara nga pëlqimi për newsletter.
Lidhjet e mëparshme me komunitetin
Pas hyrjes, emaili i verifikuar i llogarisë mund të përputhet me një abonim ekzistues në newsletter ose me një formular, pjesëmarrje Cineplexx, takim apo kërkesë merch të mëparshme. Aplikacioni shfaq vetëm llojin e lidhjes, jo përmbajtjen e formularit apo detajet e çmimit. Hyrja nuk të abonon. Zgjedhjet për newsletter kërkojnë veprimin tënd të qartë dhe ndahen me faqen tonë dhe shërbimin e dërgimit të emaileve. Ruajmë konfirmimin e njoftimit dhe dëshmi të zgjedhjeve me email të koduar në hash; fshirja e llogarisë i largon këto shënime të aplikacionit, ndërsa abonimet e pavarura dhe formularët e mëparshëm mbeten të pandryshuar.
Planet dhe preferencat
Kapodalim ruan identifikuesit e eventeve të ruajtura, gjuhën, pamjen, qytetin e parazgjedhur dhe qytetet e ndjekura në llogarinë e verifikuar për sinkronizim mes pajisjeve. Shkarkimet mbeten në secilën pajisje. Ruajtjet si mysafir kalojnë në llogari vetëm kur zgjedh t'i importosh.
Pyetjet e komunitetit
Pjesëmarrja është opsionale. Përgjigjet lidhen me llogarinë ose një identifikues të rastësishëm të mysafirit dhe nuk publikohen me emrin tënd. Përgjigjet si mysafir janë të ndara nga ato të llogarisë. Rezultatet e përmbledhura kërkojnë të paktën 10 përgjigje të vlefshme, ose 20 për pyetjet për shpenzime. Këto pragje nuk garantojnë anonimitet. Përgjigjet dhe raundet fshihen pas 180 ditësh nga mirëmbajtja e planifikuar; datat e pjesëmarrjes mbeten për serinë tënde deri kur t'i fshish të dhënat e pjesëmarrjes. Leja për raporte me partnerë është e veçantë dhe fillimisht e çaktivizuar; eksportet për partnerë nuk ofrohen në këtë beta.
Kontrolli i të dhënave në aplikacion
Ndrysho të dhënat dhe fotografinë ose largo telefonin te Të dhënat personale. Fshi pjesëmarrjen te Pyetje dhe përgjigje, Të dhënat dhe rikujtimet. Fshije llogarinë nga kontrollet e llogarisë në aplikacion për të larguar identitetin, fotografinë e ngarkuar, planet e sinkronizuara, preferencat dhe pjesëmarrjen e lidhur. Një shënim minimal i fshirjes parandalon rikthimin e të dhënave nga kërkesat e vonuara të pajisjeve. Dalja nga llogaria e fsheh bibliotekën e saj në pajisje; pajisjet e tjera pa internet mund të mbajnë kopje lokale deri në pastrim. Për ndihmë: support@kapodalim.com.
Të dhënat e tua, zgjedhja jote.
Nëse na ke dërguar të dhëna për një event ose bashkëpunim, mund të kërkosh me i pa, korrigju ose fshi. Zgjidh “Korrigjim / ndryshim”, shëno emailin përkatës dhe na trego shkurt çka të duhet.
Hap formularin →︎